"Türk Dövlətləri Təşkilatının (TDT) Şuşada keçiriləcək qeyri-rəsmi tədbiri ilk növbədə tədbirdə iştirak edəcək türk dövlətlərinin Azərbaycana dəstəyinin bir göstərici olacaq".
Newscenter.az xəbər verir ki, bunu ƏHD Partiyasının sədrinin müşaviri Azər Qasımov deyib. O bildirib ki, zirvə görüşü Azərbaycanın Şuşa şəhərinin işğaldan sonra inkişafının da gələn qonaqlara və dünyaya göstərilməsi baxımından önəmli olacaq:
"Bütün dünya görəcək ki, Azərbaycan Şuşada hansı xarüqələr yaradır".
Azər Qasımovun sözlərinə görə, keçiriləcək tədbir TDT-nın təşkilatlanmasında da mühüm əhəmiyyət kəsb edəcək:
"Liderlərin görüşünün ardıcıl olaraq qısa aralarla keçirilməsi da önəm daşıyır. Bu tədbir TDT haqda beynəlxalq səviyyədə yeni gücün formalaşdığının işarəsidir".
Süleyman
