Salyanda yol qəzası olub, bir ailənin dörd üzvü xəsarət alıb

Yaralılar Salyan Mərkəzi Rayon Xəstəxanasına yerləşdirilib
Salyanda baş verən yol qəzasında bir ailənin dörd üzvü xəsarət alıb. AYNA-nın “Report”a istinadən məlumatına görə, hadisə rayonun Şorsulu kənd ərazisində qeydə alınıb.
Belə ki, iki avtomobilin toqquşması nəticəsində 1961-ci il təvəllüdlü Quliyeva Raziya Abasağa qızı, 1961-ci il təvəllüdlü Quliyev Bəhram Pilağa oğlu, 2011-ci il təvəllüdlü Cavadov Kənan Seymur oğlu və 2023-cü il təvəllüdlü İsmayılzadə Fidan İlkin qızı müxtəlif dərəcəli bədən xəsarətləri alıblar.
Yaralılar Salyan Mərkəzi Rayon Xəstəxanasına yerləşdirilib.
Faktla bağlı araşdırma aparılır.