Türkiyənin Bursa şəhərində 4 mərtəbəli binada yanğın baş verib.
E-huquq.az xəbər verir ki, Bursanın Osmanqazi rayonunda 4 mərtəbəli binanın birinci mərtəbəsində naməlum səbəbdən yanğın başlayıb.
Hadisə yerinə polis, yanğınsöndürmə briqadası və təcili tibbi yardım qrupu göndərilib.
Yanğın qısa müddətdə söndürülüb.
Binada köməksiz vəziyyətdə qalan 3 nəfər yanğınsöndürmə briqadalarının köməkliyi ilə xilas edilib.
Yanğında tüstüdən zərər çəkən 7 nəfər xəstəxanaya aparılıb.
Yanğının səbəbləri araşdırılır.
Şəbnəm Mehdizadə
