Budapeşt başa düşür ki, Rusiya və Ukrayna arasında danışıqları təşkil edəcək böyük dövlətlər olacaq, lakin o, münaqişə tərəflərini sülh əldə etməyə təşviq etmək istəyir.
Busaat.az xəbər verir ki, bunu Macarıstanın baş naziri Viktor Orban bildirib.
O qeyd edib ki, Macarıstan öz yerini və çəkisini bilir, bu, böyük danışıqları aparacaq böyük ölkələr olacaq.
Orban Macarıstanın tərəfləri danışıqlara başlamağa təşviq etmək istədiyini qeyd edib. Macarıstanın baş nazirinin sözlərinə görə, iyulun 2-də Ukraynanın paytaxtı Kiyevə səfəri zamanı ölkə prezidenti Vladimir Zelenski ilə görüşündə məqsəd bu olub.
