Braziliyanın baş məşqçisi: "Təəssüf ki, bu səhvi edən biz idik”

Braziliya millisinin baş məşqçisi Dorival Junior Amerika kubokunun 1/4 finalında Uruqvay yığmasına məğlubiyyətdən danışıb. Sport24.az xarici KİV-ə istinadən xəbər verir ki, o, komanda olaraq səhv etdiklərini deyib:
 
"Turnirin ilk günündən penaltilərə hazırlaşdıq, çünki pley-off seriyasına yüksələ biləcəyimizi bilirdik. Rodriqonun sonda meydanı tərk etməsi düz qərar deyildi. O, komandanın əsas penalti vuran oyunçularından biridir. Amma təbii ki, yanlış əvəzetmə oldu. Təəssüf ki, bu səhvi edən biz idik".
 
Qeyd edək ki, uruqvay - Braziliya matçın əsas vaxtı 0:0 hesabı ilə başa çatıb. Penaltilər seriyasında isə uruqvaylılar qələbə qazanıb – 4:2.