AZ

Azərbaycan hərbçiləri “Birləştik-2024” təlimlərində iştirak edir

Qazaxıstanın qərbində yerləşən Manqistau vilayətində Azərbaycan, Qazaxıstan, Qırğızıstan, Tacikistan və Özbəkistan hərbçilərinin iştirakı ilə “Birləştik-2024” regional beynəlxalq təlimləri başlayıb.

Herbiand.az xəbər verir ki, bu barədə Qazaxıstan Müdafiə Nazirliyinin mətbuat xidməti məlumat yayıb.

 “Hərbi manevrlər Oymaşa poliqonunda, eləcə də Tokmak burnundan 2 km aralıda yerləşən dəniz sahəsində iyulun 8-dən iyulun 17-dək hərbi kontingentlər silahlı münaqişənin lokallaşdırılması üçün birgə əməliyyat hazırlayıb keçirəcək”, - deyə məlumatda bildirilir. deyir.

Təlimlərə 4 minə yaxın hərbi qulluqçu, 700-ə qədər silah və hərbi texnika cəlb olunacaq. “Taktiki epizodlar yerüstü və hava kəşfiyyat qrupları, Hərbi Dəniz Qüvvələrinin xüsusi təyinatlıları, ordu və cəbhə aviasiya ekipajları, döyüş gəmiləri və katerləri, artilleriya ekipajları, hücum və tank bölmələrinin iştirakı ilə keçiriləcək”, - deyə idarədən bildirilib.

Təlimlər çərçivəsində mədəni-kütləvi, asudə vaxt və idman tədbirləri də keçiriləcək. Bundan başqa, hərbi tətbiqi idman növləri, taktiki səmti müəyyən etmə və ordu taktiki atıcılığı üzrə yarışlar təşkil olunacaq.

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
83
2
herbiand.az

3Mənbələr