Çexiya prezidenti Petr Pavel NATO ölkələrini Ukrayna münaqişəsi ilə bağlı gözləntilərini azaltmağa və daha real düşünməyə çağırıb.
O, NATO-nun Vaşinqtonda keçirilən sammiti ərəfəsində “Time” jurnalına müsahibəsində bu məsələ ilə bağlı fikirlərini bildirib.
Pavel xüsusilə qeyd edib ki, yaxın gələcəkdə Kiyev itirilmiş ərazilərini geri qaytarmayacaq. O, həmçinin xatırladıb ki, ABŞ və Avropa Ukrayna üçün tez bir zamanda kifayət qədər silah istehsal edə bilmir, çünki NATO ölkələrinin hərbi sənayesinin imkanları Rusiyanın müdafiə sənayesindən aşağıdır.
Bundan əlavə, Çexiya Prezidenti Ukraynadakı münaqişənin sonunu fərqli şəkildə görən alyansa üzv ölkələr arasında birliyin olmadığını qeyd edib. Digər məsələlərlə yanaşı, Pavel qarşıdan gələn sammit çərçivəsində Ukraynanın NATO-ya üzvlüyü məsələsində ciddi irəliləyiş gözləmir.
