Türkiyə Prezidenti Rəcəb Tayyib Ərdoğanın ABŞ-a səfərinin proqramı açıqlanıb.
Senzor.az bildirir ki, bu barədə Türkiyə Prezidentinin mətbuat xidməti məlumat yayıb.
“NATO-nun yaranmasının 75-ci ildönümü ilə bağlı keçiriləcək sammitdə təşkilatın coğrafiyası üçün çağırışlar və risklər qarşısında Alyansın çəkindirmə və müdafiə səyləri, həmçinin Ukraynadakı vəziyyət və Kiyevə dəstək kimi məsələlər ətrafında fikir mübadiləsi aparılacaq. Sammitin gündəliyinə terrorizmlə mübarizə məsələləri də daxil ediləcək”, - qeyd olunub.
Bundan əlavə, Ərdoğanın dövlət və hökumət başçıları ilə bir sıra ikitərəfli görüşləri də planlaşdırılır.
Qeyd edək ki, Türkiyə Prezidenti Rəcəb Tayyib Ərdoğan 9-11 iyul tarixlərində baş tutacaq NATO Liderlərinin Zirvə toplantısında iştirak etmək üçün ABŞ-a səfər edəcək.
