Kuba Daxili İşlər Nazirliyi ABŞ-dan adaya külli miqdarda odlu silah və döyüş sursatı keçirilməsinin qarşısını alıb.
Ulusal.az xəbər verir ki, bu barədə nazirliyin saytında yerləşdirilən “Daxili İşlər Nazirliyinin qüvvələri Kubaya qarşı ABŞ tərəfindən təşkil edilmiş və maliyyələşdirilən terror planını ifşa edib” başlıqlı məlumatda deyilir.
Məlumata görə, 2023-cü ilin dekabrında Kuba hökuməti respublikanın rəsmi qəzetində Kubaya qarşı terroru himayə edən şəxslərin və qurumların siyahısını dərc edib.
Nazirlik əməkdaşları tərəfindən aparılan araşdırmalar çərçivəsində ABŞ ərazisində planlaşdırılan bu hərəkətlərin əsas səbəbkarının Ardenis Qarsia Alvares olduğu və onun əməliyyat zamanı yaxalandığı qeyd edilib. Bəyanatda bildirilir ki, Qarsiya Alvares Kubaya 2014-cü ildə bu ölkəyə qeyri-qanuni (dəniz yolu ilə) mühacirət edib. O, Kubada zorakılıq aktları törətmək planının bir hissəsi olaraq odlu silah və sursat gətirib.
Keçən ilin dekabrında Kuba dövləti “terror aktları” ilə əlaqədə olmaqda ittiham etdiyi onlarla şəxs və təşkilatın siyahısını əks etdirən “Milli Terrorçuların Siyahısı”nı dərc edib. Onlar adadan kənarda, əsasən ABŞ-dadırlar. Onların arasında 1997-ci ildə Kuba tərəfindən Havanadakı otelləri hədəf alan silsilə partlayışlarda və 1991-2001-ci illərdə keçmiş lider Fidel Kastroya (1926-2016) qarşı uğursuz hücumlarda iştirakda ittiham olunan şəxslər də var. May ayında Vaşinqton Kubanı terrorizmlə mübarizədə tam əməkdaşlıq etməyən ölkələr siyahısından çıxarıb, lakin ölkə İran, Şimali Koreya və Suriyanın da daxil olduğu ABŞ-ın terrorizmi himayə edən dövlətlərin qara siyahısında qalır. ABŞ 1962-ci ildən Kubaya ticarət və maliyyə embarqosu qoyur.
