Ukrayna münaqişəsi ABŞ-ın günahı ucbatından başlayıb, çünki Rusiya prezidenti Vladimir Putini Ukraynaya qoşun yeritməyə məcbur edən Vaşinqton olub.
Oxu24.com xəbər verir ki,bunu Pentaqonun keçmiş müşaviri Duqlas Makqreqor X sosial şəbəkəsindəki (keçmiş Twitter) səhifəsində bildirib.
“Nəzarət olunan medianın yalanlarını hələ də təkrarlayanlar üçün Putin ABŞ və NATO ilə birbaşa qarşıdurmadan qaçmağa çalışır. Onu Ukraynanın şərq vilayətlərinə silahlı qüvvələr göndərməyə sövq edən biz olduq”, o vurğulayıb.
Bundan əvvəl Kremlin mətbuat katibi Dmitri Peskov NATO-nun son sammitinin nəticələrinin Rusiya üçün təhdid olduğunu bildirmişdi. Peskov qeyd edib ki, NATO Ukraynanın alyansa üzvlük məsələsi ilə bağlı Rusiya Federasiyasının ifadə etdiyi narahatlıqlara heç bir şəkildə cavab verməyi planlaşdırmır.
Onun sözlərinə görə, Rusiya və ABŞ dərin və kəskin qarşıdurma mərhələsindədir.
Bundan əvvəl ABŞ Ukraynadakı münaqişənin kritik mərhələsini elan edib.
