Bakı, 19 iyul, AZƏRTAC
İyulun 20-21-də bölgələrdə gözlənilən küləkli hava şəraiti ilə bağlı sarı xəbərdarlıq verilib.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, sarı xəbərdarlığa uyğun olaraq Ordubad, Culfa, Gədəbəy, Daşkəsən, Gəncə, Tovuz, Ağstafa, Şəmkir, Balakən, Zaqatala, Qax, Şəki, Qobustan, Neftçala, Salyan, Hacıqabul və Cəlilabadda şərq küləyi arabir 13.9-20.7 metr/saniyə təşkil edəcək.
