Polşa və ABŞ-dən olan beynəlxalq alimlər qrupu kişi və qadınların ilk görüşlərdə özləri haqqında danışarkən (özünü təqdimat) buraxdıqları əsas səhvləri müəyyən ediblər.
Sfera.az xəbər verir ki, tədqiqat "Telematics and Informatics" (TelInf) elmi jurnalında dərc olunub.
Eksperimentdə orta yaş həddi 28,8 olan 540 qadın və 477 kişi iştirak edib.
Tədqiqatçılar müxtəlif özünü təqdimetmə strategiyalarını öyrənmək üçün tanışlıq simulyasiya oyunundan istifadə ediblər. İştirakçılar müxtəlif dialoq variantlarını seçərək virtual partnyorla qarşılıqlı əlaqədə olublar.
Proqram iştirakçıların aşkar etdiyi hər hansı müsbət xüsusiyyətə müsbət, mənfi cəhətlərə isə mənfi cavab verib.
Müsbət xüsusiyyətlərə fiziki cəlbedicilik, maliyyə perspektivləri, sağlamlıq, xeyirxahlıq və bədii qabiliyyət daxil edilib. Mənfi əlamətlər iyrəncliyin üç növünə bölünüb: patogen (məsələn, pis gigiyena), cinsi (məsələn, uyğun olmayan cinsi davranış) və əxlaqi (məsələn, vicdansız davranış).
Tədqiqatçılar kişilərin və qadınların mənfi xüsusiyyətləri açıqlamaq seçimində fərqlər tapıblar. Qadınlar, orta hesabla, daha çox əxlaqi cəhətdən şübhəli davranışları etiraf ediblər, kişilər isə patogen meyarlar üzrə daha az əlverişli işıqda özlərini göstəriblər.
Başqa sözlə, qadınların kişilərdən daha çox yalan danışdıqları, manipulyasiya etdikləri bəlli olub. Kişilər də öz növbəsində gigiyena normalarına əməl etmədiklərini, nədənsə xəstələndiklərini və ya fizioloji qüsurlarının olduğunu etiraf ediblər.
İnci
Sfera.az
