Bakı, TurkicWorld
Qazaxıstan turistlərinin Azərbaycana marağının artması müşahidə olunur.
Bu barədə TurkicWorld-ə müsahibəsində "NK" "Kazakh Tourism" ASC-nin beynəlxalq bazarlar departamentinin direktoru Aynura Jumataeva deyib.
"2022-2023-ci illərdə Azərbaycandan Qazaxıstana turist axınında 1,7 dəfə artım müşahidə olunub. Yəni demək olar ki, iki dəfə artıb - 2022-ci ildəki 59 min nəfərdən 2023-cü ildə 99 min nəfərə qədər. Eyni zamanda, qazaxıstanlı turistlərdə Azərbaycana marağın artması müşahidə olunur. İlk növbədə, hesab edirəm ki, buna sizin ivent-menecment təsir edir. Siz çoxlu sayda dünya ulduzlarını ölkənizə gətirirsiniz, bu isə Qazaxıstanın gənc nəslini xüsusilə cəlb edir və onlar sevinclə Bakıya gedirlər", - deyə o vurğulayıb.
Jumataevanın sözlərinə görə, Azərbaycan və Qazaxıstan arasında turizm sahəsində yaxşı əlaqələr mövcuddur.
"Kazakh Tourism çox tez-tez aviaşirkətlərlə, nəinki "Air Astana" milli aviadaşıyıcısı ilə, eləcə də, aşağıbüdcəli "FlyArystan" şirkəti ilə əməkdaşlıq edir. Məsələn, ötən il bizim Azərbaycanın "AZAL" aviaşirkəti ilə inaqurasiya reysi üzrə müştərək layihəmiz oldu. Belə ki, Novruz bayramında biz aviaşirkətin ilk reysini dəstəklədik və Qazaxıstanı, xüsusilə də Almatı və Almatı vilayətini ziyarət edən blogerlər, jurnalistlər qrupunu gətirdik", - deyə departament direktoru bildirib.
Qazaxıstanda turizm sahəsinin inkişafından danışarkən Jumataeva qeyd edib ki, ötən ay Prezident Qasım-Jomart Tokayevin başçılığı ilə turizmin inkişafı üzrə müşavirə keçirilib.
"Bizim üçün bu, hadisədir, çünki dövlət başçısı həmçinin turizmin inkişafına diqqəti cəmlədi. Dövlət başçısı turizmin inkişafı üzrə üç əsas regionu ayırdı. Bu, milyon yarım turistin gəlişini qeyd edən Almatı dağ klasteridir. İkinci region - Şuçinsk-Borovoye kurort zonasıdır. Üçüncüsü - Aktaudakı çimərlik turizmidir. "Kazakh Tourism"in bu üç regionun inkişafının dəstəklənməsi üzrə planı var. Hazırda bu üç istiqamət turistlər üçün zəruri ekosistemin yaradılması məqsədilə prioritet hesab olunur. Buraya həm yaxşı yollar, həm restoranlar, həm ekskursiyalar və sair daxildir", - deyə o vurğulayıb.
Departament direktorunun sözlərinə görə, infrastruktur inkişafı ilə yanaşı, həm də əmək resurslarına sərmayə qoymaq lazımdır.
"Turizm üzrə bələdçilər, menecerlər lazımdır, hər bir regionda böyük sayda turist qəbul etməyə imkan yaradan hovuzlar olmalıdır", - deyə Jumatayeva əlavə edib.
