İran İranın xarici işlər naziri vəzifəsini icra edən Əli Baqiri Kani Rusiya xarici işlər naziri Sergey Lavrovla telefon danışığı keçirib.
Publika.az xəbər verir ki, bu barədə İran Xarici İşlər Nazirliyinin mətbuat xidməti məlumat yayıb.
Söhbət zamanı Kani xəbərdarlıq edib ki, Tehran Fələstinin HƏMAS hərəkatının Siyasi Bürosunun rəhbəri İsmayıl Haniyənin qətlinə görə İsrailə mütləq cavab verəcək.
"İsmail Haniyəni öldürməklə İsrail qırmızı xətti keçdi”, - diplomat deyib.
O, həmçinin dünyada və regionda təhlükəsizlik və sabitliyin risk altında olduğunu vurğulayıb.
