Rusiyanın Ukraynaya genişmiqyaslı işğalının 910-cu günü başa çatıb. Bir neçə istiqamətdə şiddətli döyüşlər davam edir, düşmən mümkün qədər çox Ukrayna ərazisini ələ keçirmək cəhdlərindən əl çəkmir.
Qaynarinfo xəbər verir ki, DeepState layihəsinə görə, Rusiya qoşunları Donetsk vilayətində bir anda 3 yaşayış məntəqəsini ələ keçirib. Söhbət əsasən Zavetnoye kəndindən gedir.
"Düşmən Kamışevka, Zavetnoye və Novozhelannoyeni tutub və Nikolaevka yaxınlığında irəliləyib", - mesajda deyilir.
Hələlik bu məlumatın rəsmi təsdiqi yoxdur.
Bu arada Ukrayna Silahlı Qüvvələrinin Baş Qərargahı məlumat yayıb ki, günün əvvəlindən, avqustun 21-i saat 22:00-a olan məlumata görə, cəbhə xəttində 110 hərbi toqquşma qeydə alınıb. Xarkov istiqamətində düşmən Liptsi və Volçansk yaxınlığındakı Ukrayna əsgərlərinin müdafiə xətlərinə beş dəfə hücum edib.
Alpər
