Rusiya ordusu Ukraynanın Donetsk vilayətinin Volnovaxa rayonunun Uqledar şəhər icmasının Vodyanoye kəndini ələ keçirib və Pokrovski rayonunun Qrodovka ərazisində daha da irəliləyib.

Reyting.az xəbər verir ki, bu barədə “DeepState” monitorinq layihəsi məlumat yayıb.

“Düşmən Vodyanoyeni tutdu və Qrodovkaya doğru irəlilədi”, - mesajda deyilir.

Bundan başqa, “DeepState” layihəsi Donbassdakı hərbi əməliyyatların xəritəsini yayıb.



Ukrayna Silahlı Qüvvələrinin Baş Qərargahı bildirir ki, son 24 saat ərzində 148 hərbi toqquşma qeydə alınıb.

Xarkov istiqamətində işğalçılar gün ərzində Volçansk yaxınlığında üç hücum edib, lakin Müdafiə Qüvvələri iki hücumu uğurla dəf edə bilib.

Kupyansk istiqamətində Müdafiə Qüvvələri Sinkovka, Stepnaya Novoselka, Qluşkovka, Lozovaya, Myasozharovka və Stelmaxovka bölgələrində düşmənin 13 hücumunu dəf edib. Liman istiqamətində 12 dəfə hücuma keçiblər, hazırda iki toqquşma davam edir.

Severski istiqamətində, gün ərzində Ukrayna müdafiəçiləri Verxnekamenski, Spirnoy və Qriqoryevka ərazilərində rusların beş hücumunun qarşısını alıb.

Kramatorsk istiqamətində 8 hərbi toqquşma baş verib.

Pokrovski istiqamətində günün əvvəlindən Yaşıl tarla, Vozdvijenka, Novotroitski, Qrodovka, Novoqrodovka, Selidovo, Marinovka və Mixaylovka yaşayış məntəqələri ərazilərində ruslarınm 29 hücum və hücum hərəkəti dəf edilib.

ELÇİN