İsrail Müdafiə Qüvvələri (IDF) ölkənin siyasi rəhbərliyini məlumatlandırıb ki, Qəzza zolağında əməliyyatın daha da genişləndirilməsi Fələstinin radikal HƏMAS hərəkatı tərəfindən saxlanılan israilli girovlar arasında yeni ölümlərə səbəb ola bilər. Bu barədə İsrail televiziyasının 13-cü kanalı öz mənbələrinə istinadən məlumat yayıb.
İDF hesab edir ki, girovların azad edilməsi ilə bağlı razılığın əldə edilməsi İsrail ordusuna Fələstin anklavında daha sərbəst fəaliyyət göstərməyə imkan verəcək.
Bundan əvvəl İsrailin “Kan” dövlət televiziya və radio şirkəti bildirmişdi ki, İsrail ordusunun Qəzza zolağında döyüş əməliyyatlarının aparılması ilə bağlı hazırkı təlimatları kəşfiyyat məlumatlarında girovların ola biləcəyi ərazilərə qoşunların daxil olmasını qadağan edir, çünki bu, HƏMAS yaraqlılarını onları öldürməyə təhrik edə bilər.
Oxuməni.az
