Beynəlxalq Şahmat Federasiyası (FIDE) oktyabr ayı üçün yenilənmiş reytinq cədvəlini açıqlayıb.
Apasport.az xəbər verir ki, cədvəldə Azərbaycan şahmatçılarının mövqeləri də əks olunub.
Şəhriyar Məmmədyarov (2733) bir pillə geriləyərək 18-ci sıraya düşüb, Teymur Rəcəbov (2700) isə 31-ci pillədəki mövqeyini qoruyub. Rauf Məmmədov (2643) 10 pillə irəliləyərək 90-cı yerə yüksəlib, Aydın Süleymanlı (2637) isə ilk dəfə olaraq 100-cü pilləyə daxil olub və dünyanın ən yaxşı qrossmeysterləri siyahısına daxil edilib.
Reytinq cədvəlinin lideri norveçli Maqnus Karlsen (2831) olaraq qalır, onu ABŞ təmsilçisi Hikaru Nakamura (2802) və hindistanlı Arjun Eriqaisi (2797) izləyir.
Azərbaycan qadın şahmatçıları arasında Günay Məmmədzadə (2426) 34-cü sırada, Gövhər Beydullayeva (2402) 45-ci, Ülviyyə Fətəliyeva (2383) 67-ci və Xanım Balacayeva (2362) isə 83-cü sırada yer alıblar. Beydullayeva 8 pillə, Fətəliyeva isə 1 pillə irəliləyiblər.
Qadınlar arasında reytinqin ilk üçlüyündə isə çinli şahmatçılar - Yifan Hou (2632), Yu Venyun (2559) və Ley Tinqji (2548) yer alıb.
Vüqar Həşimov Memorialının ikinci gününə start verilib
Rapport və Nepomnyaşi birinciliyi bölüşür
Şuşada Vüqar Həşimov Memorialının açılış mərasimi keçirilib
Şuşada keçiriləcək yarışın iştirakçıları Vüqar Həşimovun məzarını ziyarət ediblər
Türkdilli Ölkələrin Şahmat Assosiasiyası yaradılıb
