Rusiya prezidenti Vladimir Putin Nijni Novqorod vilayətinin qubernatoru Qleb Nikitinin Rusiya istehsalı olan kostyumunu yüksək qiymətləndirib və rusların yüksək keyfiyyətli yerli məhsullar hazırladığını deyib.
Putin Nijni Novqorod vilayətinin rəhbəri Qleb Nikitinin geyiminin haradan olması ilə də maraqlanıb: “Qleb Sergeeviç, sizin kostyumunuz yerli istehsaldırmı?”
Bölgə qubernatoru pencəyin kənarını geri itələyərək əmin edib ki, etiketin olmamasına baxmayaraq, kostyum Rusiyada yerli parçadan tikilib.
“Biz çalışmalıyıq ki, bizi əhatə edən, yerli istehsal olanı geyinməkdən və istifadə etməkdən xoşbəxt olaq. Və o, ən yüksək keyfiyyətdə olsun”, - prezident vurğulayıb.
