Oktyabr ayının öncədən müəyyənləşdirlmiş və elan edilmiş qrafikinə uyğun olaraq, növbəti fərdi vətəndaş qəbulunu Ağsu şəhərində və rayonun Bozavand kəndində keçirdik. Müraciət edən hər kəsi ayrı-ayrılıqda dinlədik, müraciətlərini qeydə aldıq, dərhal həll edilməsi mümkün olan məsələlərlə bağlı müvafiq addımların atılmasına vəsilə olduq. Digər müraciətlərdə yer alan şəxsi problemləri ən qısa vaxtda sistemləşdirib təhlil etdikdən sonra həllinə çalışacağıq.
Ağsu sakinləri ilə şəhərdə, daha sonra isə Bozavand kəndində keçirdiyimiz görüşlərdən sonra, Ağsu Tədris Mərkəzinin müdiri sözügedən təhsil ocağını ziyarət etdik, yaradılan şəraitlə tanış olduq, həyata keçirilməsi mümkün olan layihələr haqqında danışdıq.
Ağsu Tədris Mərkəzində xeyirxah və vətənsevər insanlar tərfindən yaradılan şərait, bütövlükdə bu təhsil ocağının yaranma tarixçəsi və səbəbləri, qənaətimə görə, bütövlükdə nümunə kimi qəbul oluna bilər.
Tezliklə Ağsuda təhsilin keyfiyyətinin yüksəldilməsi və rayonun bölgənin keyfiyyətli təhsil mərkəzlərindən birinə çevrilməsi ilə bağlı təkliflərimizi müvafiq qurumlara təqdim edəcəyik.
