Bu gün 2023/24-cü il mövsümünün nəticələrinə görə dünyanın ən yaxşı futbolçusuna mükafatın təqdimetmə mərasimi keçiriləcək.
Yeniavaz.com xəbər verir ki, tədbir Parisdə “Chatelet” teatrında baş tutacaq və Bakı vaxtı ilə saat 23:15-də başlayacaq.
“Qızıl top” ilk dəfə olaraq Fransanın “France Football” jurnalı tərəfindən Avropa Futbol Assosiasiyaları İttifaqı (UEFA) ilə birgə veriləcək.
2010-2015-ci illərdə mükafat “France Football” jurnalı tərəfindən Beynəlxalq Futbol Federasiyası (FİFA) ilə birgə verilib. Ancaq 2016-cı ildən bəri iki mükafat təqdim olunur - biri nəşrə görə, digəri FİFA-ya görə.
FİFA-ya görə ən yaxşı oyunçu mükafatı həmçinin 1991-ci ildən 2009-cu ilə qədər verilib.
2023-cü ildə “Qızıl top”un qalibi Amerikanın “İnter Mayami” klubunun argentinalı hücumçusu Lionel Messi olub. Hazırda onun adına səkkiz belə mükafat var.
2003-cü ildən bəri ilk dəfə olaraq mükafata namizədlər siyahısında nə Messi, nə də beşqat mükafat sahibi, “Əl Nəsr”in Səudiyyə Ərəbistanından olan portuqaliyalı hücumçusu Kriştianu Ronaldo yer alıb.