Oktyabrın 26-da Bakı Slavyan Universitetinin (BSU) Azərbaycan ədəbiyyatı kafedrasının professoru, filologiya elmləri doktoru Nizami Məmmədov Tağısoy Qazaxıstan Respublikasının Almatı şəhərində Qazaxıstan ədəbiyyatının klassiki Əbdicəmil Nurpeysovun 100 illik yubileyinə həsr olunmuş beynəlxalq konfransda “Əbdicəmil Nurpeysov və Qazax nəsri” mövzusunda məruzə ilə çıxış edib.
Qazaxıstan Milli Kitabxanasında keçirilən beynəlxalq konfransda müxtəlif ölkələrdən tanınmış yazıçı və şairlər, alimlər, sənət adamları iştirak edərək, Əbdicəmil Nurpeysovun nəinki XX-əsr Qazax, həmçinin dünya ədəbiyyatında müstəsna rolundan söhbət açıblar.
