Argentinalı xilasedicilər Villa Hesel şəhərində 10 mərtəbəli yaşayış mehmanxanasının çökdüyü yerdə axtarış-xilasetmə əməliyyatı aparırlar.
Ucnoqta.az xəbər verir ki, TN kanalının məlumatına görə, dağıntılar altında azı 7 nəfər qalıb.
Xilasedicilər bir neçə zərərçəkmişlə əlaqə saxlaya biliblər. Hazırda ölənlərlə bağlı məlumat yoxdur.
Bina saat 01:30-da uçub. İlkin məlumatlara görə, hadisə zamanı oteldə az sayda qonaq olub.
Uçqun nəticəsində qonşu binalara da ziyan dəyib.
TN xəbər verir ki, iki ay əvvəl şəhər rəhbərliyi otel sahiblərini icazə verilməyən binanın modifikasiyası üzrə işləri dayandırmağa məcbur edib.
