"Bu gün səhər saat 7:30-da Bakı Kənar Dairəvi yolunda yol-nəqliyyat hadisəsi baş verib".
Bu barədə Baş Dövlət Yol Polisi İdarəsinin inspektoru, polis leytenantı Elvin Hacıyev deyib.
"Hadisə yolun 10-cu kilometrliyində qeydə alınıb. Sürücünün idarəetməni itirməsi nəticəsində 99-JN-597 dövlət nömrə nişanlı "Isuzu" markalı nəqliyyat vasitəsi aşıb. Hadisə nəticəsində ölən və ya xəsarət alan olmayıb", - deyə xidmət rəsmisi bildirib.
***
10:13
Bakı Kənar Dairəvi yolunda yol-nəqliyyat hadisəsi baş verib.
Avtosfer.az xəbər verir ki, bu barədə oxu.az-a məlumat daxil olub.
Qeyd olunub ki, 99-JN-957 dövlət nömrə nişanlı yük maşını idarəetmədən çıxaraq aşıb.
Qəza zamanı xəsarət alanın olub-olmaması ilə bağlı məlumat yoxdur.
Hadisə ilə bağlı Baş Dövlət Yol Polisi İdarəsinə sorğu verilib.
