Gəncə şəhərində mənzildə yanğın hadisəsi baş verib.
APA-nın yerli bürosunun məlumatına görə, hadisə şəhərin Zərifə Əliyeva küçəsində iki mərtəbəli binada baş verib. İki otaqlı mənzilin birinci otağında baş verən yanğın digər otağa da keçib.
Ev sahibi evdə olmadığından qonşular FHN-nin Gəncə şəhər Dövlət Yanğından Mühafizə İdarəsinə bu barədə məlumat veriblər. Hadisə yerinə yanğınsöndurənlər cəlb olunub.
Yanğın söndürülüb və alovun qonşu mənzilə keçməsinin qarşısı alınıb. İlkin məlumata görə, hadisəyə səbəb elektrik naqillərində olan qısaqapanma olub.
Faktla bağlı araşdırma başlanılıb.
Hadisə barədə FHN-in məlumatında bildirilib ki, Gəncə şəhərində ikimərtəbəli yaşayış binasının çardağının yanar konstruksiyaları 40 m² sahədə yanıb.
Yanğın zamanı yanğınsöndürənlər tərəfindən tüstülənmiş mənzillərdən 2 nəfər bina sakini təhlükəsiz əraziyə təxliyyə olunub. Yaxınlıqdakı mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.
"Cebheinfo.az"
