Yaxın Şərqdə vəziyyətin pisləşməsi səbəbindən bir il ərzində Livanda ən azı 102 tibb işçisi həlak olub, 83-ü isə yaralanıb.
News365.az "TASS"a istinadən xəbər verir ki, bu barədə BMT-nin Humanitar Məsələlərin Əlaqələndirilməsi Departamentinin Livandakı nümayəndəliyi məlumat yayıb.
Bildirilib ki, 8 oktyabr 2023-cü ildən bəri Livanda tibb müəssisələrinə ən azı 55, təcili yardım maşınlarına isə 27 hücum qeydə alınıb.
Livanın Səhiyyə Nazirliyinin məlumatına görə, İsrailin hava hücumları ötən il 2600-dən çox insanın ölümünə və 12400-dən çoxunun yaralanmasına səbəb olub. Bundan başqa, təxminən 1,3 milyon insan münaqişə zamanı evlərini tərk etmək məcburiyyətində qalıb.
