Xəstəxanaların ginekologiya və mamalıq şöbələrində çalışan təcrübəli səhiyyə işçiləri yekdilliklə bildiriblər ki, qeysəriyyə ilə doğulan uşaqların həyatının ilk həftələrində normal doğulanlardan ciddi fərqlər var.
News24.az xəbər verir ki, qeysəriyyə əməliyyatı ilə doğulan körpələr təkamül yolu ilə doğuş prosesini tamamlamadıqları üçün doğuş zamanı anadan bəzi hormon və mikroorqanizmləri ala bilmirlər.
Bu, körpələrin bağırsaqlarının bakteriyadan azad olmasına səbəb olsa da, qeysəriyyə əməliyyatı ilə doğulan körpələr həyatlarının ilk həftələrində südü həzm etməkdə çətinlik çəkirlər və immun sistemləri zəif olur. Ancaq bu vəziyyət bir neçə həftədən sonra normala qayıdır və qeysəriyyə ilə normal doğuş arasındakı fərq aradan qalxır.
Qeysəriyyə əməliyyatlı uşaqlar yaşıdlarından daha kökdür
ABŞ-nin Pediatrics tibb jurnalı 16 ildə doğulan 20 min uşağı müayinə edib. Uşaqların 13 faizində artıq çəki problemi aşkar edilərkən, bu uşaqların 76 faizinin qeysəriyyə əməliyyatına məruz qaldığı bildirilib.
Məryəm İlhamqızı
