Ölkənin aparıcı korporativ maliyyə institutu "PAŞA Bank" mobil POS-terminal məhsulu "mPOS" üçün 31 yanvar 2025-ci il tarixinədək endirim kampaniyası elan edir.
Kampaniya çərçivəsində "Mastercard" kartları ilə qəbul edilən ödənişlərə görə "mPOS" istifadə edən sahibkarlar komissiya ödəməyəcəklər.
"mPOS" məhsulu Android əsaslı smartfonları POS-terminala çevirərək sahibkarlara nağdsız ödənişləri asanlıqla qəbul etmək imkanı yaradır. Sahibkarlar depozit və dövriyyə tələbi olmadan "mPOS" – mobil POS-terminal məhsulundan istifadə edərək təmassız ödənişləri telefonları ilə qəbul edə bilərlər.
Xüsusi təklifdən yararlanmaq üçün sahibkarlar "mPOS"-u "PAŞA Bank Biznes" paltformalarından sifariş edə, 31 yanvaradək "Mastercard" kartları ilə ödənişləri 0% komissiya ilə qəbul edə bilərlər.
