Ailə faciəsi: 5 qardaş eyni evdə ÖLDÜ - FOTO

Türkiyənin İzmir şəhərinin Səlcuq rayonunda evdə baş verən yanğında 5 qardaş həyatını itirib.

Musavat.com qafqazinfo-ya istinadən xəbər verir ki, yanğının elektrik sobasının aşması səbəbindən baş verdiyi ehtimal edilir.

Yanğın zamanı uşaqların evdə tək olduğu bildirilir.

Məlumata görə, tüstüdən təsirlənən 5 qardaşdan 3-ü hadisə yerində dünyasını dəyişib. Digər iki qardaşın isə xəstəxanada edilən müdaxilələrə baxmayaraq həyatını xilas etmək mümkün olmayıb.

Onlardan ən kiçiyinin bir, böyüyünün isə beş yaşı olub.