Fransanın ultra sağçı Milli Birlik partiyasının fraksiya sədrinin müavini və sabiq prezidentliyə namizəd Marin Le Penin Avropa İttifaqının (Aİ) vəsaitlərini sui-istifadə etdiyi üçün mühakimə olunduğu məhkəmə prosesində 3 ili şərti olmaqla 5 il müddətinə azadlıqdan məhrum edilməsi tələb olunub.
APA xəbər verir ki, prokurorlar Le Penin mənimsəmədə təqsirli bilinməsini və ona 5 il iş verilməsini tələb edib.
Hakimin başqa cür qərar vermədiyi təqdirdə Le Penin prezidentliyə namizədliyi avtomatik olaraq qadağan ediləcək və fransalı siyasətçi təqsirli bilinərsə, qərardan apellyasiya şikayəti verə biləcək.
Əldə olunan məlumata görə dinləmələr boyu ittihamları rədd edən Le Penin noyabrın 27-dən əvvəl hakim qarşısında müdafiə çıxışı etməsi və yekun qərarın 2025-ci ilin əvvəlində açıqlanması gözlənilir.
