Pivə içənlərin qeyri-sağlam həyat tərzi sürmək və piylənmə ehtimalı şərab və digər spirtli içki içənlərə nisbətən daha çoxdur.
Bakıvaxtı.az xəbər verir ki, bu barədə "Daily Mail" məlumat yayıb.
Nəşrin məlumatına görə, tədqiqatçılar elmi təcrübə üçün üstünlük verdikləri spirt növünə görə dörd qrupa bölünən 1900 könüllünün qidalanma vərdişləri və həyat tərzi ilə bağlı məlumatları təhlil ediblər.
İştirakçıların 38,9 faizi yalnız pivə, 21,8 faizi yalnız şərab, 18,2 faizi yalnız sərt içki, 21,1 faizi isə bir neçə növ spirtli içkilərin birləşməsini qəbul edib.
Onların həyat tərzi qidanın müxtəlifliyi, qidalanmanın norması və balansı və digər meyarları nəzərə alan 100 ballıq şkala ilə qiymətləndirilib. Pivə içənlər ən pis nəticə göstəriblər: şəraba üstünlük verənlər üçün 55 bal, spirtli içkilər qəbul edənlər və ya müxtəlif spirtləri birləşdirənlər üçün 53 bal olduğu halda, 49 bal toplayıblar. Mütəxəssislər bu nəticələrə əsaslanaraq sağlamlığa ən zərərli spirt kimi pivəni adlandırıblar.
Materialda qeyd olunur ki, pivəyə üstünlük verən insanlar nəinki daha pis yemək yeyirlər, həm də daha çox siqaret çəkir, daha az hərəkət edir, daha tənbəl olur və daha çox kalori istehlak edirlər ki, bu da piylənmə və əlaqəli xəstəliklər riskini artırır.
Ekspertlər qaraciyər xəstəlikləri də daxil olmaqla, həddindən artıq spirt istehlakının mənfi təsirlərinin çox vaxt pis qidalanma ilə daha da güclənə biləcəyini söyləyib.BAKU.WS
