Almaniyanın "Siemens" şirkətinin gəlirləri artsa da, şirkət 5000 nəfər işçisini ixtisar etməyi planlaşdırır.
Modern.az bu barədə "Kommersant" qəzetinə istinadən xəbər verir.
Rübün sonunda Almaniya şirkətinin gəliri 20,62 milyard avrodan 20,81 milyard avroya yüksəlib. Eyni zamanda, rübün sonunda müqayisə olunan satışlar 2%, bütün maliyyə ilinin sonunda isə 3% artıb.
Müsbət nəticələrə baxmayaraq, qrupun baş direktoru Roland Buş bildirib ki, "Siemens" bütün dünyada 5 minə qədər iş yerini ixtisar edə bilər.
