Son sutka ərzində Qəzza zolağının müxtəlif bölgələrində və Livanın cənubunda 40-dan çox fələstinli və livanlı İsrail hərbçiləri tərəfindən öldürülüb.
KONKRET.az “Əl-Cəzirə” telekanalına istinadən xəbər verir ki, İsrail ordusunun hücumları nəticəsində son 24 saatda Qəzza zolağında ən azı 24 fələstinli ölüb, 112 nəfər isə yaralanıb. Livanda isə 18 nəfər həlak olub. Qəzza zolağının səhiyyə idarəsinin məlumatına görə, 2023-cü il oktyabrın 7-dən bəri Qəzzada ölənlərin sayı 43 700-ü keçib. Livan Səhiyyə Nazirliyinin son məlumatlarına görə, bir il ərzində İsrailin ordusunun hücumu nəticəsində 3386 nəfər həyatını itirib.
Vəli Həsənoğlu,
KONKRET.az
