Növbəti 20 il ərzində dünya əhalisi daha 2.4 milyard nəfər artacaq, onların sığınacaq və baxım ehtiyacları olacaq. Bu baxımdan planlaşdırılmamış şəhər ətrafı genişlənməsi biomüxtəlifliyə, ətraf mühitə, ərzaq təhlükəsizliyinə və sosial parçalanma və fiziki pisləşməyə təhlükə yaradır.
EDnews xəbər verir ki, bunu COP29-da çoxsəviyyəli və çoxsektorlu iqlim fəaliyyəti üzrə yüksək səviyyəli açılışda çıxış edən BMT-Habitat təşkilatının icraçı direktoru Anaklaudiya Rossbax deyib.
O bildirib ki, emisiyaların 40%-i mənzillərin və tikintilərin payına düşür. Bu böyük bir infrastruktur boşluğudur.
“Davamlı inkişaf məqsədlərimizə çatmaq üçün gündə 96 min ev tikməliyik. Buna baxmayaraq, şəhərlər iqlim dəyişikliyinə qarşı son dərəcə həssasdır, şəhərlərin 70%-i onun təsirini hiss edir, temperatur bölgələrdən 10 dərəcəyə qədər yüksək ola bilər. Sahil boyu 90% ərazilərdə dəniz səviyyəsinin qalxması riski var”- Anaklaudiya Rossbax əlavə edib.
