Ukrayna Rusiyadakı hədəfləri vurmaq üçün ilk dəfə Britaniyanın uzaqmənzilli “Storm Shadow” raketlərindən istifadə edib. Bu barədə “The Guardian” və “Bloomberg” mənbələrə istinadən məlumat yayıb.
Böyük Britaniyanın baş nazirinin sözçüsü Kir Starmeri məlumatı şərh etməkdən imtina edib.
“The Telegraph” aydınlaşdırır ki, Kursk vilayətinin Marino kəndinin sakinləri “Storm Shadow” raketinin fraqmentlərini aşkar ediblər.
“Storm Shadow”un ehtimal olunan hissələrinin fotoları “Dva mayora” teleqram kanalı tərəfindən dərc edilib.
Noyabrın 20-də günortadan sonra Kursk vilayətinin qubernatoru Aleksey Smirnov hava hücumundan müdafiə qüvvələrinin iki Ukrayna raketini vurduğunu açıqlayıb. “Dva mayora” teleqram kanalı Ukrayna Silahlı Qüvvələrinin Kursk bölgəsi istiqamətində 12-yə qədər “Storm Shadow” raketi atdığını iddia edib.
- Co Bayden administrasiyası Ukraynaya Rusiyadakı hədəflərə qarşı ATACMS raketlərindən istifadə etməyə icazə verməsini noyabrın 17-də təsdiqləyib.
