Zaxarova: “ABŞ-ın Polşadakı raket müdafiə bazası nüvə təhlükəsini artırır”

Polşada ABŞ-ın raket müdafiə bazasının açılması nüvə təhlükəsinin artmasına səbəb olur.

Bizim.Media xarici KİV-ə istinadən xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova mətbuat konfransında bildirib.

"O, bir daha açıq şəkildə təxribatçı addım atdı, bu da amerikalıların dərin şəkildə sabitliyi pozan hərəkətlərinin davamıdır", — deyə Zaxarova qeyd edib.

Zaxarova bunun strateji risklərin artmasına və nəticədə ümumi nüvə təhlükəsinin yüksəlməsinə gətirib çıxardığını vurğulayıb.

Bundan əvvəl "Milli Müdafiə" jurnalının baş redaktoru İqor Korotçenko xəbərdarlıq etmişdi ki, Polşa ərazisində Aegis Ashore raket müdafiə sistemlərinin yerləşdirilməsi ABŞ-a nüvə başlıqları ilə raketləri buraxmağa imkan verəcək.

Bizim.Media

• Polşa
• Nüvə Təhlükəsi
• Marija Zaxarova
• Raket Müdafiə