Bu gün yol-nəqliyyat hadisəsi zamanı ölən şəxs məktəb direktoru imiş.
seher.media xəbər verir ki, bu barədə məlumat sosial şəbəkələrdə paylaşılıb.
Belə ki, Məzrəli kənd sakini Əldursun Feyruz oğlu İsayevin idarə etdiyi "Toyota" markalı avtomobillə Aranlı kənd sakini Vüsal Teyyub oğlu Qənbəralıyevin sükan arxasında olduğu "Hyundai" markalı minik maşını toqquşub. Nəticədə Əldursun İsayev ölüb, Vüsal Qənbəralıyev isə xəstəxanaya yerləşdirilib.
Qeyd edək ki, Ə. İsayev İmişli rayon təhsil sektorunda metodist, Məzrəli kənd tam orta məktəbində direktor və regional təhsil idarəsində çalışıb.
Ailəli idi və iki azyaşlı övladı vardı.
İmişlidə minik avtomobillərinin toqquşması nəticəsində bir nəfər ölüb, bir nəfər yaralanıb.
AZƏRTAC xəbər verir ki, hadisə saat 11 radələrində Hacıqabul-Bəhrəmtəpə-Mincivan avtomobil yolunun İmişli rayonunun Məzrəli kəndi ərazisindən keçən hissəsində qeydə alınıb.
Hadisə zamanı Məzrəli kənd sakini Əldursun Feyruz oğlu İsayevin idarə etdiyi "Toyota" markalı avtomobil və rayonun Aranlı kənd sakini Vüsal Teyyub oğlu Qənbəralıyevin sükan arxasında olduğu "Hyundai" markalı minik maşını toqquşub.
Qəza nəticəsində Əldursun İsayev ölüb, xəsarət alan Vüsal Qənbəralıyev isə rayon mərkəzi xəstəxanasına yerləşdirilib.
Faktla bağlı araşdırma aparılır.
