Olaylar.az xəbər verir ki, mütəxəssislər qeyd edirlər ki, Qərb aviaşirkətləri üçün əsas problem Rusiyanın hava məkanının bağlanması nəticəsində yaranan əlavə xərclərdir. "RunAvia" uçuş təhlükəsizliyi xidmətinin qurucusu Andrey Patrikovun sözlərinə görə, məsələn, Finlandiyanın "Finnair" şirkəti bu səbəbdən uçuş istiqamətlərinin 80 faizini itirib. SAS, LOT, Lufthansa, British Airways və Virgin Atlantic kimi aviaşirkətlər də reyslərini azaldıb.
Bu vəziyyət uçuş vaxtlarının əhəmiyyətli dərəcədə artması ilə nəticələnib. Finlandiyadan Çinə səyahət artıq əvvəlkindən üç saat daha uzun çəkir. Çin aviaşirkətləri isə bu qadağadan təsirlənmədikləri üçün üstünlük qazanıblar.
Nəticədə, Avropa və ABŞ-dan Çinə reyslərin sayı 60 faiz azalıb, amma Çindən Avropaya və ABŞ-a uçuşlar 16 faiz artıb. Ekspertlər bu istiqamətdə Çin aviaşirkətlərinin fəaliyyətinin daha da genişlənəcəyini proqnozlaşdırır.
