Bu gün UEFA Çempionlar Liqasında 5-ci turun oyunlarına start veriləcək.
Publika.az xəbər verir ki, turun ilk oyun günündə 11 qarşılaşma baş tutacaq.
Gecənin maraqla gözlənilən əsas qarşılaşmasında “Bayern” Münhendə PSJ-i qəbul edəcək.
Bütün turnirlərdə ardıcıl 5 oyundur məğlub olan “Mançester Siti” isə azarkeşləri önündə “Feyenoord”la üz-üzə gələcək. “Barselona” da doğma arenada meydana çıxacaq. Kataloniya klubu “Brest”lə (Fransa) görüşəcək.
Ötən tur "Mançester Siti"ni böyük hesabla (4:1) məğlub edən "Sportinq" bu dəfə başqa bir İngiltərə nəhəngi "Arsenal"la üz-üzə gələcək.
Qeyd edək ki, turun digər oyunları noyabrın 27-də keçiriləcək.
