Baş Dövlət Yol Polisi İdarəsi Biləsuvarda baş verən qəza barədə məlumat yayıb.
Modern.az-ın məlumatına görə, açıqlamada hadisənin noyabrın 30-u saat 10 radələrində baş verdiyi bildirilib.
Qeyd olunur ki, HOWO markalı 90-JZ-892 dövlət qeydiyyat nişanlı yük avtomobili "Scania" markalı 59-AA-700 dövlət qeydiyyat nişanlı avtobusla toqquşub.
"Hadisə Ələt-Astara yolunun 111-ci kilometrliyində, Biləsuvar rayonunun Əsgərabad kəndi ərazisində baş verib. Yük maşını yolayrıcını keçmə qaydalarını pozduğuna görə avtobusla toqquşma baş verib. Avtobusun içərisində əyləşən sərnişinlərdən bir nəfər xəsarət alıb", - məlumatda deyilir.
***
11:05
Naxçıvandan Bakıya gedən avtobus Biləsuvarda qəzaya uğrayıb.
Modern.az APA-ya istinadən xəbər verir ki, hadisə köhnə Ələt-Astara magistralında, Biləsuvar rayon ərazisində baş verib.
Naxçıvandan Bakıya gedən avtobus "Kamaz"la toqquşub. Qəza nəticəsində xəsarət alanların olduğu bildirilir.
Faktla bağlı araşdırma aparılır.
