...İran prezidenti Məsud Pezeşkian Qərbi Asiyanın İslam dövlətlərini terrorçuların fəallaşdığı Suriyada vəziyyətin normallaşmasına kömək etməyə çağırıb.
SİArus saytlarına istinadən xəbər verir ki, bu barədə İRNA məlumat yayıb.
...Bazar günü Pezeşkian İran hökuməti və parlamentinin birgə iclasında çıxış edib. O bildirib ki, Qərbi Asiyada təhlükəsizliyi yalnız region ölkələri təmin edə bilər.
...Ümid edirəm ki, Suriyada yaranmış problem İslam ölkələrinin köməyi ilə həll olunacaq və müsəlman ölkələri ölkələr daxilində münaqişələrin regiona gələcək xarici müdaxilələr üçün əsas olmasına imkan verməyəcəklər.
İran prezidenti vurğulayıb ki, ölkəsi heç bir şəkildə müharibə istəmir.
Pezeşkian qeyd edib ki, insan haqlarını və sülhü müdafiə etmək iddiasında olanlar əslində çox vaxt müharibə və qan tökülməsinə səbəb olurlar.
ABŞ və AB utanmalıdır ki, Qəzza və Livandakı fəlakət onların silahlarının dəstəyi ilə həyata keçirilir.
Pezeşkian əlavə edib ki, bütün region ölkələri oktyabrın 26-da İsrailin İrana qarşı təcavüzünü pisləyib və o, qonşu dövlətlərin düzgün mövqeyini yüksək qiymətləndirir.
Ötən gün İranın xarici işlər naziri Abbas Əraqçi deyib ki, silahlıların Suriyadakı hərəkətləri ABŞ və İsraildən ilhamlanıb.
Əli Babayev
