Ermənistanın 2025-ci il üçün büdcə layihəsinin yenidən nəzərdən keçirilməsindən sonra proqnozlaşdırılan ümumi daxili məhsul (ÜDM) həcmi 158 milyard dram (təxminən 405 milyon ABŞ dolları) azalacaq.
Bu barədə maliyyə naziri Vaqe Ovannisyan Ermənistan parlamentində bildirib.
Nəticədə ÜDM-in 10,89 trilyon dram (əvvəlki 11,05 trilyon dram əvəzinə) səviyyəsində olacağı proqnozlaşdırılır. Hökumət iqtisadi artım proqnozlarını da (5,6 %-dən 5,1 %-ə) pisləşdirib.
Büdcə gəlirlərinə gəlincə, onlar ilkin göstərici ilə müqayisədə 35,5 milyard dram az olmaqla 2,837 trilyon dram olacaq. Büdcə xərcləri 3,441 trilyon dram təşkil edəcək.
Büdcə kəsiri ÜDM-in 5,5 %-i və ya təxminən 604 milyard dram (5,4 milyard azalıb) olacaq.
///report
