AZTECH şirkəti Qarabağ Universitetinin Dizayn və Tətbiqi Sənət Kafedrasına yüksək qrafik göstəriciləri olan 15 ədəd kompüter dəstini hədiyyə edərək, Universitetdə “AZTECH” otağını təsis etmişdir.
Kompüterlər dizayner, memar, yaradıcılıq işləri ilə məşğul olan, eləcə də kiber idmana həvəsi olan tələbələrin istifadəsi üçün nəzərdə tutulmuşdur.
Tədbirin rəsmi hissəsində universitetin rektoru Şahin Bayramov çıxış edərək, şirkətin rəhbərliyinə bu təşəbbüsə görə Universitet adından öz təşəkkürünü bildirmişdir.
Qürurverici haldır ki, Qarabağda tarixən mövcud olmuş təhsil ənənələrini yaşadan Qarabağ Universiteti artıq 1 ildən çoxdur ki, uğurla fəaliyyət göstərir. Aztech şirkəti tərəfindən Qarabağda ilk oyun turniri də məhz Xankəndində, Qarabağ Universitetində keçirilib. Universitet tələbələri arasından seçilən 4 güclü komanda arasında “Valorant” və “Counter Strike 2” oyunları üzrə yarış təşkil olunub. Final mərhələsində “Şuşa” komandası qalib oldu, qaliblərə Aztech tərəfindən kubok və medallar, eləcə də hədiyyələr təqdim olunub.
Qeyd edək ki, işğaldan azad olunmuş torpaqlarda bu “AZTECH” şirkətinin sosial məsuliyyətyönümlü ilk layihəsi deyil, bundan öncə də 2023-cü ilin noyabr ayında Laçın 2 saylı orta məktəbə 30 noutbukhədiyyə edilmişdir. Elə həmin ilin dekabr ayında isə Laçında, LaCinema kino mərkəzində Qarabağda ilk texnoloji təqdimat keçirilmiş və məktəblilər üçün "gaming" festival təşkil edilmişdir.
Aztech şirkəti 26 ildir ki, uğurla fəaliyyət göstərərək, kompüter və bank avadanlığı üzrə əsas distribyutorlardan biridir. ASUS, Lenovo, MSI, Entrust, Thales kimi şirkətlərin rəsmi tərəfdaşıdır.
Daha ətraflı məlumat üçün: https://aztechshop.az
