Suriyanı illərlə rejim altında saxlayan Bəşər Əsədin ölkədən qaçmasının detalları bəlli olub.
XALQ.AZ “Blomberg”ə istinadən bildirir ki, rusiya kəşfiyyatı, Əsədin ölkəni tərk etməsini təmin etmək üçün xüsusi plan hazırlayıb. Əsədin Suriya hava bazasında gizli şəkildə qaçması təşkil olunub, bu zaman təyyarəsinin izlənməməsi üçün transponderi söndürülüb.
Rusiya, Əsədi devrilməkdən qorumaq məqsədilə onun və ailəsinin təhlükəsizliyini təmin etməyi və onları müxalifət qüvvələrindən uzaqlaşdırmağı hədəfləyib. Kremlin qərarı, təkcə Əsədin həyatı ilə bağlı deyil, həm də Rusiyanın Suriyadakı strateji hərbi bazalarının qorunması ilə bağlı olub. Tartus və Hmeymim bazalarının itirilməsi, Moskvanın maraqları üçün böyük bir zərbə olardı, buna görə də Kremlin sərt müdaxiləsi qaçılmaz olub.
Rusiya, bu müdaxilə ilə yalnız Əsədin hakimiyyətinin sona çatmasının qarşısını almağa çalışmayıb, həm də Suriyada öz strateji mövqeyini möhkəmləndirmək istəyib. Bu, həmçinin Suriyanın gələcəkdəki siyasi vəziyyətində Rusiyanın güclü təsirini qorumağa yönəlmiş bir addım olub.
