Azərbaycan çempionu “Qarabağ” bu gün Avropa Liqasının Liqa mərhələsi çərçivəsində İsveçin “Elfsborq” komandası ilə qarşılaşacaq.
Arena.az xəbər verir ki, Borasda baş tutacaq bu qarşılaşmanı Portuqaliyadan olan hakimlər briqadası idarə edəcək.
Azərbaycan çempionu Avroliqanın Liqa mərhələsinə uğursuz start verib. Səfərdə “Tottenhem”ə (İngiltərə) 0:3 hesabıyla uduzmuş komandamız evdə də “Malmö”yə (İsveç) 1:2, “Ayaks”a (Niderland) 0:3, Lion “Olimpik”inə (Fransa) 1:4 hesablarıyla məğlub olub. Qurban Qurbanovun kollektivi yalnız səfərdə “Bodo Qlimt”ə (Norveç) 2:1 hesabıyla qalib gəlib. Bu nəticələrdən sonra təmsilçimiz 3 xalla 32-ci pillədə qərarlaşıb.
“Elfsborq” isə səfərdə “Alkmar”a (Niderland) 2:3, “Qalatasaray”a (Türkiyə) 3:4, “Atletik”ə (İspaniya) 0:3 hesablarıyla uduzub. İsveç təmsilçisi evdə “Roma”ya (İtaliya) 1:0 hesabıyla qalib gəlib, “Braqa” (Portuqaliya) ilə də “sülh bağlayıb” – 1:1. Bu komanda hazırda 4 xalla 28-ci pillədədir.
Avropa Liqası
Liqa mərhələsi, 6-cı tur
12 dekabr
“Elfsborq” – “Qarabağ”
Baş hakim: Antanio Nobre
Baş hakimin köməkçiləri: Pedro Ribeyro, Nelson Pereyra
Dördüncü hakim: Bruno Migel Karmo Vyeyra
VAR: Huqo Migel
AVAR: Andre Narkizo (Hakimlər briqadası Portuqaliyadandır)
Hakim-inspektor: Stefano Podeski (San Marino).
UEFA nümayəndəsi: Yan Atkins (İngiltərə).
“Boras Arena”. Saat 00:00.
Elfsborq: 31. İsak Pettersson, 2. Terri Yeqbe, 8. Sebastyan Holmen (k), 9. Arber Zeneli, 10. Mixael Baydo, 15. Simon Hedlund, 16. Timoti Uma, 18. Ahmed Qasem, 23. Niklas Hult, 27. Besfort Zeneli, 29. Buhari İbrahim.
Ehtiyat oyunçular: 1. Melker Uppenberq, 30. Markus Sorensen, 4. Qistav Henriksson, 5. Frode Aronsson, 7. Yens Tomasen, 12. Emil Holten, 13. Yohan Larsson, 14. Calal Abdullai, 19. Rami Kaib, 20. Qottfrid Rapp, 26. Lüdviq Rixtner, 28. Leo Östman.
Baş məşqçi: Oskar Hilyemark.
Qarabağ: 99. Mateuş Koxalski, 2. Mateus Silva, 6. Julio Romao, 7. Yassin Benzya, 8. Marko Yankoviç, 10. Abdullah Zubir, 18. Olavio Juninyo, 21. Aleksey Kaşuk, 29. Marko Veşoviç, 44. Elvin Cəfərquliyev, 55. Bədavi Hüseynov (k).
Ehtiyat oyunçular: 12. Sadiq Məmmədzadə, 97. Fabiyan Buntiç, 11. Emmanuel Adday, 15. Leandro Andrade, 20. Riçard Almeyda, 22. Musa Qurbanlı, 27. Toral Bayramov, 30. Abbas Hüseynov, 66. Patrik Andrade, 90. Nəriman Axundzadə.
Baş məşqçi: Qurban Qurbanov.
