Vaşinqton, 13 dekabr, AZƏRTAC
ABŞ Ukraynaya 500 milyon dollarlıq yeni yardım paketini açıqlayıb.
AZƏRTAC-ın ABŞ Müdafiə Departamentinə istinadla verdiyi məlumata görə, yeni paketə Ukraynanın təcili ehtiyac duyduğu hava hücumundan müdafiə vasitələri, artilleriya və raket sistemləri üçün döyüş sursatları və tank əleyhinə silahlar daxildir.
Bu, Bayden Administrasiyası tərəfindən 2021-ci ilin avqust ayından etibarən Ukrayna üçün tədarük edilən yetmiş ikinci avadanlıq tranşıdır.
Məlahət Nəcəfova
AZƏRTAC-ın xüsusi müxbiri
Vaşinqton
