Bu gün 2026-cı ildə keçiriləcək futbol üzrə dünya çempionatının (DÇ-2026) Avropa zonası üzrə seçmə mərhələsinin püşkü atılıb.
Arena.az xəbər verir ki, İsveçrənin Sürix şəhərində təşkil olunmuş tədbirdə Azərbaycan millisinin də rəqibləri müəyyənləşib.
Rusiyanın buraxılmadığı yarışa qatılacaq 54 iştirakçı 12 qrupa bölünüb. Bunlardan altısında 4, altısında 5 komanda yer alıb.
Azərbaycan yığması D qrupunda yer alıb. Millimiz Fransa/Xorvatiya cütünün qalibi, Ukrayna və İslandiya yığmaları ilə eyni qrupda mübarizə aparacaq.
A qrupu: Almaniya/İtaliya cütünün qalibi, Slovakiya, Şimali İrlandiya, Lüksemburq;
B qrupu: İsveçrə, İsveç, Sloveniya, Kosovo;
C qrupu: Portuqaliya/Danimarka cütünün məğlubu, Yunanıstan, Şotlandiya, Belarus;
D qrupu: Fransa/Xorvatiya cütünün qalibi, Ukrayna, İslandiya, Azərbaycan;
E qrupu: İspaniya/Niderland cütünün qalibi, Türkiyə, Gürcüstan, Bolqarıstan;
F qrupu: Portuqaliya/Danimarka cütünün qalibi, Macarıstan, İrlandiya, Ermənistan;
G qrupu: İspaniya/Niderland cütünün məğlubu, Polşa, Finlandiya, Litva, Malta;
H qrupu: Avstriya, Rumıniya, Bosniya və Herseqovina, Kipr, San-Marino;
I qrupu: Almaniya/İtaliya cütünün məğlubu, Norveç, İsrail, Estoniya, Moldova;
J qrupu: Belçika, Uels, Şimali Makedoniya, Qazaxıstan, Lixtenşteyn;
K qrupu: İngiltərə, Serbiya, Albaniya, Latviya, Andorra;
L qrupu: Fransa/Xorvatiya cütünün məğlubu, Çexiya, Monteneqro, Farer adaları, Cəbəllütariq.
Qeyd edək ki, DÇ-2026-nın 2025-ci ildə keçiriləcək Avropa zonası üzrə seçmə mərhələsinin matçları 2025-ci ilin martında start götürəcək. Dörd və beş komandadan ibarət 12 qrupun birinciləri birbaşa DÇ-2026-nın final mərhələsinə vəsiqə əldə edəcəklər. İkinci yeri tutanlar pley-offda iştirak hüququ qazanacaqlar. Belə ki, onlar UEFA Millətlər Liqasından gələcək 4 komanda ilə birlikdə pley-offda son 4 vəsiqə üçün mübarizə aparacaqlar.
2026-cı ildə Kanada, Meksika və Amerika Birləşmiş Ştatlarında təşkil olunacaq dünya çempionatı ilk dəfə 48 komandanın iştirakı ilə gerçəkləşəcək.
