Fransalı keçmiş müdafiəçi Mişel Siani İsveç yığmasının keçmiş hücumçusu Zlatan İbrahimoviçin hansı futbolçuya nifrət etdiyini açıqlayıb.
Arena.az xatırladır ki, Siani və İbrahimoviç vaxtilə “Los-Anceles Qelaksi”də birlikdə çıxış ediblər:
“Zlatan mənə demişdi ki, karyerası ərzində cəmi üç və ya dörd nəfərə nifrət edib. Onlardan biri də Kavani idi”, – “RMC Sport” Sianidən sitat gətirir.
Xatırladaq ki, Zlatan İbrahimoviç və uruqvaylı mərkəz hücumçusu Edinson Kavani vaxtilə PSJ-də birlikdə çıxış ediblər.
Xatırladaq ki, Zlatan İbrahimoviç ötən il futbolçu karyerasını bitirmək qərarına gəlib və futbolçu ikən sonuncu klubu olmuş “Milan” rəhbərliyində müşavir vəzifəsinə təyinat alıb.
İsveçli veteran futbolçu karyerası ərzində “Malmö”, “Ayaks”, “Yuventus”, “İnter”, “Barselona”, “Milan”, PSJ, “Mançester Yunyted” və “Los-Anceles Qelaksi”də çıxış edib.
İbrahimoviç 2001-ci ilin yanvarında debüt etdiyi, 122 oyun keçirdiyi İsveç yığmasının ən məshuldar futbolçusudur: 62 qol və 25 məhsuldar ötürmə.
