Türkiyənin Paxlava və Şirniyyat İstehsalçıları Dərnəyi (BAKTAD) tərəfindən bu il 13-cü dəfə təşkil edilən və türk və Azərbaycan desertlərini bütün dünyaya birlikdə tanıtmağı hədəfləyən Ənənəvi Paxlava Festivalı Bakıda keçirilib.
Bakıvaxtı.az “Füyuzat”a istinadən xəbər verir ki, Bakıda Bakı İdman Sarayında (Əl Oyunları Sarayı) təşkil olunan və iki ölkə arasında möhkəm dostluq və qardaşlığı bir daha nümayiş etdirən festival xalq rəqslərinin nümayişi ilə başlayıb.
İki ölkənin bir-birinə təkcə sərhədlərlə deyil, könüllərlə bağlı olduğunu və paxlava qədər şirin bir ortaqlıqları olduğunu göstərən festivalda Türkiyənin Avropa İttifaqından ilk dəfə coğrafi işarə qeydiyyatını alan dünyaca məşhur ləzzəti olan türk paxlavası Azərbaycanın aparıcı ləzzətlərindən biri olan Bakı paxlavası birlikdə təqdim edilib.
Türkiyədə fəaliyyət göstərən sənayenin qabaqcıl markalarının nümayəndələrinin də olduğu 100 nəfərlik nümayəndə heyətinin qatıldığı 13-cü Ənənəvi Paxlava Festivalında püstə, qoz, midye, şöbiyyət, yerkökü dilimi kimi Türkiyəyə xas 60 növ, Azərbaycandan Bakı, Qəbələ, Şəki paxlavaları kimi 10 növ desert təqdim edilib.
Türkiyə ilə Azərbaycan qardaşlığını bütün dünyaya göstərmək və Azərbaycandan türk paxlavasını bir daha dünyaya tanıtmaq məqsədi daşıyan festivalda ziyarətçilərə 20 min dilim paxlava paylanıb.
Festivalın açılışında Azərbaycanın müxtəlif nazirliklərindən, Türkiyənin Bakıdakı səfirliyindən, Yunus Əmrə İnstitutunun Bakıdakı nümayəndəliyindən və bir çox qurum və təşkilatlardan yüksək səviyyəli adlar və rəsmilər iştirak ediblər.
Növbəti illərdə festival Şimali Kipr Türk Cümhuriyyəti (ŞKTC), digər türk dövlətləri və türklərin sıx yaşadığı ölkələrdə də davam etdiriləcək.
Tədbirin açılışında çıxış edən BAKTAD dərnəyinin sədri Mehmet Yıldırım Bakıda 13-cü Ənənəvi Paxlava Festivalı üçün bir araya gəlməkdən məmnun olduğunu bildirib.Türkiyədə paxlavanın sadəcə bir şirniyyat olmadığını ifadə edən Yıldırım deyib:
“Türk mətbəxinin simvolu olan paxlava həm də dostluğu, paylaşmağı və qardaşlığı təmsil edir. Bu gün burada dost və qardaş ölkə Azərbaycan ilə birlikdə bu ənənəni qeyd etmək məhz bu dəyərlərin nümunəsidir.
Bu gün təkcə türk paxlavası hekayəsini deyil, Azərbaycanın paxlavaya verdiyi dəyəri də qeyd edirik. Bakı paxlavası, Şəki paxlavası, Qəbələ paxlavası… Hər biri ayrı zəhmətin, ayrı bir sevginin və sənətkarlığın məhsuludur. Bu paxlavalar qardaşlıq süfrələrini bəzəyən ləzzətlərdən daha çox, ortaq mədəni irsimizin şirin simvollarıdır”.
Bugünkü festivalın paxlava festivalından daha çox böyük mesajlar verdiyini vurğulayan Yıldırım, “Türkiyə və Azərbaycan təkcə sərhədlərlə deyil, könüllərlə də bağlanan iki dost və qardaş ölkədir. Bu festival həm bu əlaqələri gücləndirmək həm də ortaq mədəniyyətimizi bütün dünyaya tanıtmaq üçün əvəzolunmaz bir fürsəti simgələyir” – bildirib.
