"Azərbaycan qlobal səviyyədə yeni inkşaf etməkdə olan turizm mərkəzi kimi dünya turizm və səyahət bazarında özünü mövqeləndirməkdə və tanıtmaqdadır".
Bu fikirləri "Yeni Azərbaycan" a açıqlamasında Dövlət Turizm Agentliyinin mətbuat katibi Gülnar Mustafayeva deyib. Onun sözlərinə görə, turizmin davamlı inkişafını təmin etmək üçün, turizm sənayesinin dəstəklənməsi, yeni turizm məhsullarınınn formalaşdırılması və inkşaf etdirilməsi, o cümlədən turizm patensialının tanıdılması istiqamətində addımlar atılır:
"Hazırda BƏƏ, Səudiyə Ərəbistan, İsrail, Qatar, Küveyt, Bəhreyn, eyni zamanda Rusiya, Qazağıstan, Özbəkistan, Belarus, Yaponiya, Malayziya kimi ölkələr də prioritet istiqamətlər kimi müəyyənləşdirilib və bazarlar üzrə şaxəli marketinq işləri aparılır".
Qeyd edək ki, bu ilin 11 ayının statistikasına əsasən, ölkəmizə 2412000-dən çox xarici vətəndaş gəlib və bu rəqəm ötən ilin eyni dövrü ilə müqayisədə 27 faiz artım deməkdir.
Havar Şəfiyeva
